व्हय "मिरग" उतारलो

तीन सांजेची येळ
चुडतान्का धुमी घालीत
म्हातारी डोळे चोळीत
पाय पसरून विस्तारलेलि

भुकेन कोकटणारा बारक्या
...तारपासली घरदारीण
कूळक्षा करीत घोवाचो
सर्गाचि आशा करून नर्कात जावन बसलेलो

पाटल्या दाराक मांगरात
तानेलेला वासरू दाया हिसकावित
गाय हांबरत बिचारी
पेंडिक चघळत

म्हातारो फाटक्या धोतार सावरित
पड्येत उभो विनमस्क
पिंगानी फेरो धरून गुलुपाचो
बव्तेक तेकाच येडाउन दाख्यित

सगळी एकाच चिंतेत
अवन्दा तरी मिरग येळेर येव्चो
हळूच पुटपुटली म्हातारी
"बेगिना धाडलस तर तुपान वात धरीन समोर"

म्हणाची खोटी नि उंबर्‍यारचो दिवो सरभरलो
म्हातारो चमाकलो
म्हातारी सणकण उठली
रडक्या प्वार धावला
घरदारीण हसली

व्हय "मिरग" उतारलो..............................संदेश प्रताप